شوق ہر رنگ رقیبِ سرو ساماں نکلا (مرزا غالب)

شوق ہر رنگ رقیبِ سرو ساماں نکلا

قیس تصویر کے پردے میں بھی عریاں نکلا

زخم نے داد نہ دی تنگئی دل کی یارب

تیر بھی سینئہ بسمل سے پُرافشاں نکلا

بوئے گل، نالئہ دل ، دودِ چراغِ محفل

جو تری بزم سے نکلا سو پریشاں نکلا

دلِ حسرت زدہ تھا مائدۃ لذتِ درد

کام یاروں کا بہ قدرِ لب و دنداں نکلا

دل میں پھر گریے نے اک شور اٹھایا غالب

آہ جو قطرہ نہ نکلا تھا سو طوفاں نکلا

Leave a Reply

Your email address will not be published. Required fields are marked *