نیرنگِ حُسنِ یار ترے بس میں کیا نہیں
لطف و کرم تو مانعِ جور و جفا نہیں
جِن کی صداےٓ درد سے نیندیں
حرام تھیں
نالے اب اُن کے بند ہیں تُو نے سنا نہیں
نیرنگیِ اُمیدِ کرم اُن سے
پوچھیے
جن کو جفاےٓ یار کا بھی آسرا نہیں
میرے سکوتِ ناز پہ اتنا نہ
ہو ملول
تجھ سے خدانخواستہ مجھ کو گلہ نہیں
تجھ سے حجاب کیا مگر اے ہم
نشیں نہ پوچھ
اس دردِ ہجر کو جو شبِ غم اُٹھا نہیں
تھا حاصلِ پیام ترا اے نگاہِ
یار
وہ رازِ اختلاط جو تُو نے کہا نہیں
اک بات کہتے کہتے کبھی رُک
گیا تھا حسن
وہ ماجرا فراقؔ مجھے بھولتا نہیں