ﻏﻢ ﮨﮯ ﺩﻝ ﮐﮯ ﺣﺴﺎﺏ ﮐﺎ ﺟﺎﻧﺎﮞ
ﻭﮦ ﺟﻮ ﺳﺐ ﮐﭽﮫ ﺗﮭﺎ ﮐﯿﺎ ﮨﻮﺍ ﺟﺎﻧﺎﮞ
ﺗﻢ ﮨﻮ ﺁﻏﻮﺵ ﻣﯿﮟ ﻣﮕﺮ ﭘﮭﺮ ﺑﮭﯽ
ﺩﻝ ﻧﮩﯿﮟ ﻟﮓ ﺭﮨﺎ ﻣﺮﺍ ﺟﺎﻧﺎﮞ
ﻣﯿﮟ ﺑﮭﯽ ﮐﭽﮫ ﺑﮭﯽ ﻧﮩﯿﮟ ﺗﮭﺎ ﺍﻭﺭ ﺗﻢ ﺑﮭﯽ
ﯾﻌﻨﯽ ﺟﻮ ﮐﭽﮫ ﺗﮭﺎ , ﺧﻮﺍﺏ ﺗﮭﺎ ﺟﺎﻧﺎﮞ
ﺷﮩﺮِ ﺗﻌﺒﯿﺮ ﮨﻮ ﮔﯿﺎ ﺁﺑﺎﺩ
ﺧﻮﺍﺏ ﺑﺮﺑﺎﺩ ﮨﻮ ﮔﯿﺎ ﺟﺎﻧﺎﮞ
ﻣﯿﮟ ﻧﮯ ﮐﯿﺎ ﮐﭽﮫ ﮐﮩﺎ ﻧﮩﯿﮟ ﻣﻌﻠﻮﻡ
ﺗﻢ ﺟﻮ ﮨﻮ ﺗﻢ ﻧﮯ ﮐﯿﺎ ﺳُﻨﺎ ﺟﺎﻧﺎﮞ
ﮨﻢ ﻧﮯ ﺳﻤﺠﮭﺎ ﺗﮭﺎ ﺟﺲ ﮐﻮ ﺭﺷﺘﮧٓ ﺟﺎﮞ
ﮐﺴﯽ ﻟﻤﺤﮯ ﮐﺎ ﺣﺎﻝ ﺗﮭﺎ ﺟﺎﻧﺎﮞ
ﯾﮧ ﻧﮧ ﭘﻮﭼﮭﻮ ﺑﭽﮭﮍ ﮐﮯ ﺗﻢ ﺳﮯ ﻣﺠﮭﮯ
ﮐﮯ ﺑﺮﺱ ﺍﺱ ﮐﺎ ﻏﻢ ﺭﮨﺎ ﺟﺎﻧﺎﮞ
ﮨﻢ ﮨﯿﮟ ﻣﺤﺮﻭﻡِ ﻭﺳﻌﺖِ ﯾﮏ ﮔﺎﻡ
ﻣﯿﺮّ ﮐﻮ ﻟﮑﮭﻨﻮ ﻣِﻼ ﺟﺎﻧﺎﮞ
ﮐﯿﺎ ﺳﻨﺎﺋﯿﮟ ﺗﻤﮩﯿﮟ ﺣﮑﺎﯾﺖِ ﺩﻝ
ﮨﻢ ﮐﻮ ﺩﮬﻮﮐﺎ ﺩﯾﺎ ﮔﯿﺎ ﺟﺎﻧﺎﮞ
ﮨﮯ ﺧﺪﺍ ﺳﮯ ﻣﻨﺎﻇﺮﮦ ﺩﺭﭘﯿﺶ
ﺁﮔﯿﺎ ﮐﻮﻥ ﺗﯿﺴﺮﺍ ﺟﺎﻧﺎﮞ
ﮨﮯ ﻭﮦ ﻏﺮﺑﺖ ﮐﮧ ﺍﺏ ﻣﯿﺮﮮ ﺩﻝ ﻣﯿﮟ
ﮐﭽﮫ ﻧﮩﯿﮟ ﮨﮯ ﻣﺮﮮ ﺳﻮﺍ ﺟﺎﻧﺎﮞ
ﺍﺳﯽ ﻋﺎﻟﻢ ﻣﯿﮟ ﻣﺒﺘﻼ ﮨﻮﮞ ﻣﯿﮟ
ﻭﮦ ﺟﻮ ﻋﺎﻟﻢ ﮨﮯ ﺷﮩﺮ ﮐﺎ ﺟﺎﻧﺎﮞ
ﮐِﺲ ﺳﮯ ﮨﻢ ﺍﭘﻨﮯ ﺩﻝ ﮐﯽ ﺑﺎﺕ ﮐﺮﯾﮟ
ﺷﮩﺮِ ﺩﻟﯽّ ﻧﮩﯿﮟ ﺭﮨﺎ ﺟﺎﻧﺎﮞ
ﮨﻢ ﻭﮨﺎﮞ ﮨﯿﮟ ﮨﻤﺎﺭﮮ ﺳﺎﺗﮫ ﺟﮩﺎﮞ
ﻣﯿﺮّ ﺑﮭﯽ ﺧﻮﻥ ﺗﮭﻮﮐﺘﺎ ﺟﺎﻧﺎﮞ
ﮐﯿﺎ ﻏﻢ ﮨﺠﺮ ﺍﻭﺭ ﻋﯿﺶ ﻭﺻﺎﻝ
ﺍﮎ ﺗﻤﺎﺷﺎ ﮨﻮﺍ ﮐﯿﺎ ﺟﺎﻧﺎﮞ
ﮐﯿﺎ ﺑﺘﺎﺅﮞ ﮨﮯ ﮐﺘﻨﯽ ﭘﺮُﺍﺣﻮﺍﻝ
ﺣﺎﻟﺖِ ﺗﺮﮎِ ﻣﺪّﻋﺎ ﺟﺎﻧﺎﮞ
ﺍﺏ ﮨﻤﯿﮟ ﺯﻧﺪﮔﯽ ﮔﺰﺍﺭﻧﯽ ﮨﮯ
ﯾﻌﻨﯽ ﻭﮦ ﮐﮭﯿﻞ ﮨﻮ ﭼﮑﺎ ﺟﺎﻧﺎﮞ
ﮐﺎﺵ! ﺗﻢ ﺳﭻ ﮐﮯ ﺣﺎﻝ ﻣﯿﮟ ﮨﻮﺗﮯ
ﺍﻭﺭ ﻣﯿﮟ ﺟﮭﻮﭦ ﺑﻮﻟﺘﺎ ﺟﺎﻧﺎﮞ
ﮨﻢ ﮐﻮ ﮔﺮﺩﺍﺏ ﻣﯿﮟ ﮨﮯ ﺍﮎ ﺍُﻣﯿﺪ
ﭘﺮ ﮐﮩﯿﮟ ﺑﮭﯽ ﻧﮩﯿﮟ ﺧﺪﺍ ﺟﺎﻧﺎﮞ
ﻣﯿﮟ ﺑﮭﯽ ﺍﺏ ﺑﮯ ﮔِﻠﮧ ﮨﻮﮞ ﺍﻭﺭ ﺗﻢ ﺑﮭﯽ
ﯾﻌﻨﯽ ﮐﭽﮫ ﺑﮭﯽ ﻧﮩﯿﮟ ﺑﭽﺎ ﺟﺎﻧﺎﮞ
ﻣﺠﮫ ﭘﮧ ﺍﻭﺭ ﺗﻢ ﭘﮧ ﺟﺲ ﮐﺎ ﺗﮭﺎ ﺍﺣﺴﺎﮞ
ﮐﻞ ﻭﮦ ﻗﺎﺻﺪ ﺑﮭﯽ ﻣﺮ ﮔﯿﺎ ﺟﺎﻧﺎﮞ