سر میں سودا بھی نہیں دل میں تمنا بھی نہیں (فراق گورکھ پوری)

سر میں سودا بھی نہیں دل میں تمنا بھی نہیں

لیکن اس ترکِ محبت کا بھروسہ بھی نہیں

یہ بھی سچ ہے کہ محبت پہ نہیں میں مجبور

یہ بھی سچ  کہ  ہے تِرا حسن کچھ ایسا بھی نہیں

دل کی گنتی نہ یگانوں میں نہ بیگانوں میں

لیکن اس جلوہ گہِ ناز سے اٹھتا بھی نہیں

ایک مدت سے تِری یاد بھی آئی نہ ہمیں

اور ہم بھول گئے ہوں تجھے ایسا بھی نہیں

آہ یہ مجمعِ احباب یہ بزمِ خاموش

آج محفل میں فراقِ سخن آرا بھی نہیں

Leave a Reply

Your email address will not be published. Required fields are marked *