دستور محبت کا سکھایا نہیں جاتا (پرنم الہ آبادی)

دستور محبت کا سکھایا نہیں جاتا

یہ ایسا سبق ہے جو پڑھایا نہیں جاتا

کمسن ہیں وہ ایسے انہیں ظالم کہوں کیسے

معصوم پہ الزام لگایا نہیں جاتا

آئینہ دکھایا تو کہا آئینہ رُخ نے

آئینے کو آئینہ دکھایا نہیں جاتا

کیا چھیڑ ہے آنچل سے گلستاں میں صبا کی

ان سے رُخِ روشن کو چھپایا نہیں جاتا

حیرت ہے کہ مے خانے میں جاتا نہیں زاہد

جنت میں مسلمان سے جایا نہیں جاتا

اس درجہ پشیماں مرا قاتل ہے کہ اس سے

محشر میں مرے سامنے آیا نہیں جاتا

پرنم غمِ الفت میں تم انسو نہ بہاؤ

اس آگ کو پانی سے بجھایا نہیں جاتا

Leave a Reply

Your email address will not be published. Required fields are marked *