پروگرام
اے شخص ! اگر جوش کو تو ڈھونڈنا چاہے
وہ پچھلے پہر حلقئہ عرفاں میں ملے گا
اور صبح کو ناظرِ نظارۃ قدرت
طرفِ چمن و صحنِ بیاباں میں ملے گا
اور دن کو وہ سرگشتئہ اسرار و معانی
شہر ہنر و کوئے ادیباں میں ملے گا
اور شام کو وہ مردِ خدا رندِ خرابات
رحمت کدہ بادہ فروشاں میں ملے گا
اور رات کو وہ خلوقئ کاکل و رخسار
بزمِ طرب و کوچئہ خوباں میں ملے گا
اور ہو گو کوئی جبر، تو وہ بندۃ مجبور
مُردے کی طرح کلبئہ احزاں میں ملے گا