آج بھی
پھیلی ہوئی ہے شام کراں تا کراں مگر
کون و مکاں میں ساعت زنداں ہے آج بھی
اس فلسفے کی سوزن پنہاں کے باوجود
چاک جگر حقیقت عریاں ہے آج بھی
اس نوجوان عصر ترقی پسند میں
اک کہنہ یاد وقت بہ داماں ہے آج بھی
کیا کیا نگار مثل بہاراں گزر گئے
ضرب المثال یوسف کنعاں ہے آج بھی
اس عہد رنگ و نور کی عبرت فوز یار
اک شمع سوگوار فروزاں ہے آج بھی
ممکن ہو اے صبا تو رمیدہ غزال سے
کہنا کہ ایک روح غزلخواں ہے آج بھی