دیکھ کر ہر درو دیوار کو حیراں ہونا (عزیز لکھنوی)

دیکھ کر ہر درو دیوار کو حیراں ہونا

وہ مرا پہلے پہل داخلِ زنداں ہونا

 

حادثے دونوں یہ عالم میں اہم گزرے ہیں

میرا مرنا ، تری زلفوں کا پریشاں ہونا

 

کچھ نہ پو چھو شبِ وعدہ مرے گھر کی رونق

اللہ اللہ! وہ بے سامان سے ساماں ہونا

 

جوش میں لے کے انگڑائی کا کسی کا کہنا

تم کو آتا ہی نہیں چاکِ گریباں ہونا

 

سرخ ڈورے تری آنکھوں کے الٰہی توبہ

چاہئے تھا انہیں پیوستِ رگِ جاں ہونا

 

میں کروں ضبط ادھر، ان کو پسینہ آئے

 چاہئے یوں غمِ پنہاں کو نمایاں ہونا

 

ان سے کرتا ہے دمِ نزع وصیت یہ عزیز

خلق روئے گی، مگر تم نہ پریشاں ہونا

Leave a Reply

Your email address will not be published. Required fields are marked *