سوزِ حیات مانگ، غمِ جاودانہ مانگ
اس جانِ مدعا سے مگر مدعا نہ مانگ
آوازِ بازگشت بھی مشکل سے آئے گی
غربت کو شرمسار نہ کر ہمنوا نہ مانگ
خونِ جگر سے نقشِ تمنا بنائے جا
اب زندگی سے فرصتِ ترکِ وفا نہ مانگ
مے خانہ اک سراب، صنم خانہ اک طلسم
کچھ ان سے اعتبارِ نظر کے سوا نہ مانگ
جوشِ نمو سے کھلتے ہیں دشت و وفا میں پھول
خونِ جگر سے کام لے، رنگِ حنا نہ مانگ
ان مفلسوں کے پاس کہاں دردِ زندگی
اہلِ کرم سے اپنی وفا کا صلہ نہ مانگ