شریکِ راحت و غم، گر شریکِ فن ہوتی (اعتبار ساجد)

شریکِ راحت و غم، گر شریکِ فن ہوتی

تو اس قدر نہ رہِ زندگی کٹھن ہوتی

نہ ہم سفر کوئی ہوتا  تو کتنا اچھا ہوتا!

نہ دل میں پھانس کھٹکتی نہ یہ چبھن ہوتی

یہ رات دن کی تپش یوں نہ ہم کو پگھلاتی

نہ آگ دل میں بھڑکتی نہ یہ جلن ہوتی

خموش رہتے کہ رسمی مکالموں سے بچیں

کلام کرتے اگر خواہشِ سخن ہوتی

ہر اک امید چھڑاتی نہ ہم سے یوں دامن

کہیں افق پہ اگر ایک بھی کرن ہوتی

کچھ اور ہوتی نہ ہوتی کسی حوالے سے

وہ اعتبار مرا اعتبارِ فن ہوتی

Leave a Reply

Your email address will not be published. Required fields are marked *