صُوفیوں میں ہُوں نہ رِندوں میں نہ (بہادر شاہ ظفر)

صُوفیوں میں ہُوں نہ رِندوں میں نہ مَیخواروں میں ہُوں
اے بُتو بنـــــــــــدہ خُــــــــــدا کا ہُوں گُناہگاروں میں ہُوں

میری ملت ہے محبت میرا مذہب عشق ہے
خواہ ہُوں مَیں کافروں میں خواہ میں دینداروں میں ہوں

صُورتِ تصــــــــــویرِ مَیکش مَے کَــــــــــــــدہ میں دہر کے
کُچھ نہ مَدہوشوں میں مَیں ہُوں اور نہ ہُشیاروں میں ہوں

نے میرا مُونس ہے کوئی اور نہ کوئی غمــــــــــــــــــگُسار
غم میرا غمخوار ہے اور مَیں غم کے غمخواروں میں ہُوں

جو مُجـــــــــھے لیتا ہے پِھر وہ پھیر دیـتا ہے مُجـــــــھے
مَیں عَجب اِک جِنسِ ناکـــــارہ خــــــــریداروں میں ہُوں